Search
Close this search box.

《叱咤樂壇流行榜頒獎典禮》元旦日揭曉賽果

《叱咤樂壇流行榜頒獎典禮》元旦日揭曉賽果
陳柏宇〈認真如初〉打入叱咤十大 再借育兒分享想法
林奕匡冧莊叱咤唱作人金獎 自爆愛上舞台原因
黃妍捧全晚第一獎腦袋空白 返後台即攬同事感動大哭

樂壇年度盛事《叱咤樂壇流行榜頒獎典禮》昨晚在灣仔會展舉行,陳柏宇(Jason)、林奕匡(Phil)、林二汶(Eman、葉巧琳(Mischa)、黃妍(Cath)及小塵埃(Lil’ Ashes)一起出席這個盛會。 

大會在開場不久即頒發新人獎,去年年中才正式加入樂壇的Cath獲頒「叱咤樂壇生力軍」銅獎,聽到自己的名字被讀出後,Cath表現得又驚又喜,帶着興奮又緊張的心情上台領獎。Cath在接過獎座後,頻呼緊張。 

Cath表示得獎令她感到驚喜、感動亦很感恩,「其實冇預過自己攞獎,而且係全晚第一個獎,聽到自己個名嗰一刻,腦袋真係空白晒,就算我上到台,我完全唔記得自己講過啲咩,因為實在太緊張、太驚喜了!」 



在台上努力控制情緒的Cath自言一到後台便失控,她說:「去後台見到一班同我一齊努力咗半年嘅同事,開始失控,因為真係好感動,好多謝有佢哋陪我,我哋更相擁而泣。另外又見到啲支持我嘅朋友,佢哋都即刻攬住我喊,我覺得好感動!我覺得我哋成個團隊嘅努力被見到及獲得認同,對我嚟講係好大嘅鼓舞,亦都係一個對我嘅肯定,令我更有自信去做音樂。作為一個唱作歌手,我覺得最好去報答係做更多好作品俾大家,我會繼續努力。」 

之後便到Jason憑〈認真如初〉獲得「叱咤十大」第九位,Jason上台時,與現場觀眾分享想法,他說自從當爸爸後,不時會反思,如何做女兒的好榜樣,他說:「我哋經常會忽略小小嘅開心,都會等一啲大嘅開心降臨喺身上,但其實我哋日常生活有好多好小嘅開心,積埋積埋就會變成快樂同有意義。」他更舉例駕車時,如果讓路給其他駕駛者,對方會舉手示意,Jason稱學識去感激這種生活上的小事,就可以累積快樂。 

至於繼去年後,今年再度獲得「叱咤樂壇唱作人」金獎的Phil在台上提到小時候沒太多自信,全靠音樂和站在台上重拾信心和快樂,故此他很珍惜每次在台上演出的機會,也會盡力去做。

Phil亦不忘感謝製作過程中絕不能少的監製Edward Chan,並明言:「冇咗佢唔得!」Phil自知自己音樂力量渺小,全靠團隊的合作和幫助,將音樂的力量放大 ,「我更想多謝香港樂壇,因為音樂最powerful嘅係可以touch people’s heart(觸動人心),就係各位歌手令我愛上音樂,選擇行呢條路,冇咗你哋,我絕對唔會做到今日嘅嘢。」



Almond Magazine Your Daily Entertainment News
Like our Facebook Page 
Subscribe our YouTube to watch more video
Follow our Instagram

【版权所有,侵权必究】

Almond Magazine Your Daily Entertainment News
Like our Facebook Page 
Subscribe our YouTube to watch more video
Follow our Instagram

Share This Post

Read more

Almond Magazine