相隔年半再推出新歌《Don’t wanna move》的龔柯允（Karen），問到為何要相隔咁耐先推出新歌，Karen 表示這段時間，專心籌備屬於自己在香港的第一隻廣東歌 EP，而這隻 EP 正正實現她 13 年來香港的初衷，因為嚟咗香港 13 年，很多人都會覺得「點解嚟香港咁耐好似無聲氣，返馬來西亞發展會唔會更好呢？」我就係想藉著這隻 EP 解答所有人的疑問。正因為需要將呢 13 年的心路歷程再一次「翻閲」，當中包含無數血與淚，所以製作過程並不容易。
這隻 EP 的頭炮歌曲《Don’t wanna move》，找來同樣來自馬來西亞的歌手盧信宥（Ash）參與 rap 嘅部分。Karen 表示當初在《全民造星 5》節目中，知道有馬來西亞參賽者，已經特別留意佢地，當中見到 Ash 又唱得又跳得，仲識 rap， 已經有念頭搵佢。誰不知竟然有機會係《全民造星 5》總決賽同佢合作，第一次見面已經膽粗粗邀請佢幫我首新歌 rap。Ash 更一口答應，仲好短時間已經寫好 Rap 詞。
拍攝 MV 時，雖然 Karen 已經著了 6 吋高踭鞋，但 Karen 的身型實在是太嬌小，原本其中一戲導演是希望 Karen 與 Ash 來一個深情對望，但只是排練階段，已令到在場工作人員爆笑，完全沒有深情效果，只覺得他們條頸好辛苦， 導演最後只好取消這一場戲。
Karen 笑說希望將來可以聯同《全民造星 5》所有馬來西亞的參賽者，一齊搞一個音樂 Project，相信一定好好玩。
